Presidenti i Aleancës Kosova e Re, Behgjet Pacolli, i ka uruar shërim të shpejtë ish-presidentit të Shqipërisë, Bujar Nishani.

“Nga zemra lutem dhe i uroj mikut tim dhe Ish-presidentit shqiptar Bujar Nishani shërim të shpejtë dhe kthim sa më të shpejtë në familjen e tij”, deklaroi Pacolli, shkruan arbresh.info.

Ai u shpreh se është në dizpozicion të plotë të familjes Nishani në këto momente.

Ish-presidenti i Republikës, Bujar Nishani mëngjesin e sotëm është dërguar jashtë shtetit për kurim më të specializuar. Mësohet se Nishani u shoqërua mëngjesin e sotëm me autoambulancë deri në aeroport, për të fluturuar më pas për në Gjermani.

Siç raportoi dje abcneës.al, Nishani u paraqit në Sanatorium me shenja pneumonie në të dyja mushkëritë për shkak të kalimit të koronavirusit, i cili kishte lënë pasoja të tjera shëndetësore.

Burime bëjnë me dije se Nishani ka patur fibrozë post covid, të cilat i kanë shkaktuar ulje të nivelit të okrigjenit në gjak si edhe parametra të tjera problematikë duke bërë të domosdoshme dërgimin e tij jashtë.